Uppskrift dagsins 31/11-2008 => Kjúklingaofnréttur

Kjúklingur                           300         gr.

Hveiti                                   1             msk.

Smjör                                   2             msk.

Sveppir                               150         gr.

Laukur                                 1             st.

Rjómi                                   2             dl

Nachos                                ½            poki

Ostasósa                             ½ -1       dós

Sveppasúpa                      ½            dós (má sleppa)

Vatn                                     ½            dl.

Ostur,Mozarella              ½            poki

  Aðferð:

1.        Skerið kjúklinginn og grænmetið í bita.

2.       Hitið saman rjómann, ostasósuna,vatnið, kjúklingakraftinn og sveppasúpuna.

3.       Brúnið kjúklinginn og kryddið.

4.       Svissið grænmetið.

5.       Spreyið eldfast mót með maisspreyi.

6.       Setið þunnt lag af sósunni í botninn á eldfasta mótinu.

7.       Setjið Nachos lag ofan á sósuna, svo grænmetið og kjúklinginn.

8.       Hellið sósunni yfir og stráið ostinum yfir.

9.       Bakið í ofni við 180°C í ca. 20 mín eða þar til osturinn hefur bakast.

 Verði ykkur að góðu

Uppskrift dagsins 30/11-2008 => Lambagrillpinnar með hrísgrjónum og kaldri piparsósu

Lambagrillpinnar:

1 kg fituhreinsað lambakjöt í 2,5-3 cm. bitum

1 dl. ólífuolía

safi úr einni sítrónu

1 tsk Lamb islandia pottagaldra

1/2 msk. saxað ferskt rósmarín eða óreganó

2 dl. barbeque-sósa (Jakobsens)

 

Aðferð:

Setjið allt í marineringuna í skál og hrærið.

Bætið kjötinu út í, látið liggja góða stund eða eins og tíminn leyfir (3 klst. væri gott).

Raðið upp á pinna og grillið á útigrilli eða grilli í ofni, penslið með marineringuni á meðan verið er að grilla.

Grillið í u.þ.b. 8-12 mín. og snúið nokkrum sinnum á meðan.

Borið

fram með hrísgrjónum og kaldri piparsósu.

 

Piparsósa:

1 ds. sýrður rjómi

1 dl. rjómi, þeyttur

1 tsk. sítrónupipar

1 tsk sítrónusafi eða limesafi

 

Aðferð:

Allt hrært saman og kælt

 

Verði ykkur að góðu!

Uppskrift dagsins 29/10-2008 => Ananasbúðingur

2 egg

40 g. sykur

5-6 blöð matarlím

Safi úr 1 sítrónu

3 dl. rjómi

1 dl. ananassafi

250 g. Ananas í bitum, settir í þegar búðingurinn byrjar að stífna.

Aðferð:

1. Takið til allt efni (rífið börk og kreistið safa ef þarf, veljið skál o.s. frv.)
2. Leggið matarlímsblöð í bleyti í ískalt vatn.
3. Þeytið egg og sykur.
4. Þeytið rjóma.
5. Hellið vatninu af matarlíminu og bræðið yfir vatnsbaði (fyrir óvana) eða í örbylgjuofni (fyrir vana).
6. kælið með ávaxtasafa í 37°c.
7. Hellið í mjórri bunu út í eggjahræruna, hrærið í með sleikju, alltaf frá botninum.
8. Blandið rjóma saman við.

Verði ykkur að góðu (Þetta er mjög gott!)

Uppskrift dagsins 23/10-2008 => Brownies

100 g. suðusúkkulaði

100 g. smjör

2 egg

175 g. sykur

120 g. hveiti

1 tsk. lyftiduft

Aðferð:

Brjótið súkkulaðið niður og bræðið með smjörinu. Varist að það ofhitni.

Þeytið egg og sykur létt og ljóst (5-7 mín.).

Sigtið þurrefnin út í eggjamassann og blandið varlega með sleikju.

Að lokum er súkkulaðið set út í.

Deigið er sett í velsmurða ofnskúffu sem er 20x25 cm, og bakað í ca. 20 mín. við 180°C.

Verði ykkur að góðu

Uppskrift dagsins 17/10-2008 => Súkkulaðibananaterta

Botnar:

140 g. sykur

4 egg

80 g hveiti

2 msk. kartöflumjöl

1 msk. kakó

1 tsk. matarsódi

 

Aðferð:

Þeytið egg og sykur að léttri froðu.

Sigtið þurrefnin út í og blandið varlega saman við með sleikju.

Skiptið í tvö tertuform og bakið við 200°C í 8-9 mín.

 

Á milli botnanna:

3 dl.  rjómi

1 banani

1/2 ds. niðursoðnar perur

1 msk. nesquik (eða annað svoleiðis kakó)

 

Aðferð:

Þeytið rjómann og brytjið ávextina og blandið þeim saman við rjómann ásamt nesquik.

 

Ofan á:

100 g. suðusúkkulaði

2 msk. rjómi

 

Aðferð:

Brætt saman yfir gufu og sett ofan á kökuna.

 

Verði ykkur að góðu

Uppskrift dagsins 16/10-2008 => Ofnbakaður lax með hollenskri sósu

Ofnbakaður lax:

800 g. laxaflak, tilsnyrt og beinhreinsað

1 stk. sítróna

salt og hvítur pipar úr kvörn

 

Aðferð:

Skerið laxinn í átta eða fjögur jafnstór stykki.

Skerið niður að roðinu og leggið stykkið þannig að það myndi fiðrildi.

Látið í smurða ofnskúffu.

Kreistið sítrónusafa yfir og saltið og piprið.

Bakið við 180°C í ofni í 10-20 mín. eftir stærð.

 

Hollensk sósa:

2 msk. edik

4 msk. vatn

hvítur pipar

lárviðarlauf

 

Aðferð:

Allt soðið niður um helming, sigtað og kælt.

500 g. smjör brætt og látið standa smá stund.

5 eggjarauður þeyttar yfir hita þar til þær verða stífar þá er smjörinu blandað saman við í mjórri bunu og þeytt stanslaust á meðan þá er sósan bragðbætt með ediksvatninu og ef með þarf sítrónusafa.

Ef sósan er of þykk má þynna hana með volgu vatni.

 

Þeir sem nenna ekki að gera sósuna geta búið til hollenska sósu úr pakka og þá er notuð uppbökunaraðferð. (Ég mæli samt með því að maður búi hana sjálf(ur) til!)

 

Verði ykkur að góðu

Uppskrift dagsins 15/10-2008 => Heitur sveppa- brauðréttur

12 sneiðar formbrauð

1/2 dl rjómi

200 g. sveppa smurostur

1 msk. majones

6 grænir langir aspasstilkar

1 dós sveppir

200 g góð skinka í bitum

1 msk sætt sinnep

1 msk dijon sinnep

50 g. rifinn ostur

kød og grill krydd

 

Aðferð:

Takið til allt hráefni, skorið og rifið.

Hitið saman í potti, rjómasmurost, sveppi, skorinn aspas og 1 dl. sveppasoð úr dósinni. Kryddið með sinnepi og kryddi. Hrærið vel saman þar til blandan fer að þykkna, en má ekki sjóða.

Skerið brauðið í jafna bita og raðið í smurt eldfast mót. skerið skinkuna í bita og blandið saman við sósuna í pottinum og hellið síðan yfir brauðið. stráið rifna ostinum yfir og bakið við 200°c í um 25 mín., eða þar til osturinn hefur fengið fallegan lit.

 

Verði ykkur að góðu

Uppskrift dagsins 14/10-2008 => Vínarsneiðar (Wienersnitzel)

300 g. svínakjötssneiðar

1 egg

salt

pipar

brauðmylsna (ókrydduð)

smjörlíki

Aðferð:

dýfið sneiðarnar fyrst í hveiti, svo í egg, mjólk og kryddi, svo í brauðmylsnu. Steikið og berið fram með kartöflum og brúnni sósu.

 

Verði ykkur að góðu!

Uppskrift dagsins 13/10-2008 => Brún rúlluterta

Deig 

3 egg

1 dl. sykur

1 1/2 tsk. lyftiduft

50 g. kartöflumjöl

1 msk. hveiti

2 msk. kakó

Aðferð:

1. takið til efni og kveikið á ofni
2. búið til pappírsskúffu
3. þeytið egg og sykur að léttri froðu
4. sigtið þurrefnin út í og blandið varlega saman
5. Bakið í miðjum ofni við ca. 200 °c í 5-8 mín
6. takið út og látið kólna í 5 mín
7. hvolfið á sykurstráðan pappír 

Krem:

50 g. smjör

75 g. flórsykur

1 eggjarauða

1/3 tsk. vanilla

Aðferð:

Hrært saman og sett á tertubotninn og síðan er hann rúllaður saman.

 

Verði ykkur að góðu

Uppskrift dagsins 12/10-2008 => Pönnukökur

1 dl. mjólk

2 egg

125 g. hveiti

1/2 tsk. lyftiduft

1/4 tsk. natrón (matarsódi)

1/4 tsk. salt

25 g. smjörlíki, brætt á pönnukökupönnu

1-2 dl. mjólk

1/4 tsk kardimommuduft eða vanilla

ATH: notið meiri mjólk til að þynna deigið ef þið treystið ykkur til að steikja þunnar pönnukökur

 

Aðferð:

1. Setjið egg og 1 dl. af mjólk í skál og þeytið vel saman.
2. Setjið þurrefnin út í og þeytið þar til deigið er kekkjalaust.
3. Hellið bræddu smjörlíkinu saman við og þynnið með mjólkinni eftir þörfum.
4. Þið fáið fljótt tilfinningu fyrir þykktinni en byrjið frekar með of þykkt deig en þunnt því betra er að þynna en þykkja.
5. Veljið eldavélarhellu jafn stóra og pönnuna og hitið í góðan meðalhita.
6. Hellið lítilli ausu af deigi á pönnuna, hallið henni þannig að deigið þekji pönnuna.
7. Snúið kökunni við með spaða þegar hún er orðin þurr að ofan og barmarnir byrjaðir að brúnast.
8. Staflið á disk og vefjið upp með sykri eftir bakstur.
9. Ef á að bera þær fram kaldar með t.d. rjóma eða annarri fyllingu þarf að umstafla þeim eftir bakstur, annars vilja þær festast saman.

Verði ykkur að góðu